Safaaradda dowladda saliibiyadda ah ee Maraykanku ku leedahay xerada Xalane ee magaalada Muqdisho, ayaa bayaan ay soo saartay amaan kala dul-dhacday kooxda Riddada Soomaaliya, ka dib markii ay usoo gacan-gelisay muwaadin Soomaaliyeed oo ay eedaymo u jeediyeen.
Safaaradda Washington ee Muqdisho, ayaa ku bogaadisay kooxda Riddada ee uu hoggaamiyo Xasan Gurguurte soo gacan-gelinta Cabdikariim Iidle Cabdullaahi oo 16-kii bishan laga dejiyay carriga Maraykanka.
Ninkan kooxda Riddadu u gacan gelisay Maraykanka, waa 42 sano jir ka mid ahaa Soomaalida ku dhaqan gobolka Minnesota ee dalka Maraykanka, xukuumadda uu hoggaamiyo Trump ayaana u jeedisay eedo la xiriira musuqmaasuq ka dhacay gobolkaasi xilligii cudurka Covid-19.
Maleeshiyo ka tirsan sirdoonka Riddada ee NISA, ayaa Cabdikariim Cabdullaahi Iidle guri uu ka degganaa deegaanka Garasbaalley ee duleedka magaalada Muqdisho, waxayna usii gudbiyeen xerada Xalane, 16-kii bishan July ayaana laga dajiyay Mareykanka.
About The Author
