Xarakada Mujaahidiinta Al Shabaab ayaa beenisay hadal kasoo baxay Ciidamada Nasaarada Kenya oo ahaa in ay dileen 52 ka tirsan Al Shabaab weerar ay sheegeen inuu ka dhacay Badhaadhe oo ka tirsan Wilaayada Jubooyinka.
Afhayeenka Ciidamada Al Shabaab Sheekh Cabdi Caziiz Abu Muscab oo la hadlay Idaacada Andalus ayaa sheegay ineysan waxba ka jirin sheegashada Dowlada Kenya ee ah inay dileen 52 Mujaahid, waxaa uu sidoo kale sheegay ineysan habayaraatee jirin wax weerar ah oo lagu qaaday xero ciidan oo ay ku leeyihiin Degmada Badhaadhe iyo nawaaxigeeda.
” Ma jiro wax weerar ah oo shalay oo Jicma ah lagu qaaday xero aan ku leenahay Badhaadhe, sida ay ku andacoodeen kuffaarta Kenya, mana jiro wax ciidan oo nalaga dilay ama nalaga dhaawacay” ayuu yiri Sheekh Abu Muscab.
” Waa dhaqan iyo caado ay leeyihiin Kenyaatigu inay warar aanan jirin abuuraan, guulo been ahna ka sheegtaan goob aanu wax dagaal ah ka dhicin, ujeedadoodu waa inay shacabkooda niyada ugu dhisaan guulaha dhalanteedka ah ee ay warbaahinta u marinayaan” ayuu hadalkiisa kusii daray Abu Muscab.
Dowlada Nasaarada Kenya ayaa maalintii shalay ahayd sheegatay inay weerar ku qaaday saldhig ciidan oo ay Shabaabul Mujaahidiintu ku leeyihiin Degmada Badhaadhe halkaas oo ay sheegteen iney Mujaahidiin badan ku dileen, hubna ay ku qaateen, arinkaas oo ay beeniyeen Mujaahidiinta Al Shabaab.
About The Author
