Wararka laga helayo degmada Cadalle ee gobalka Shabeelada dhexe waxey sheegayaan in duleedka degmadaasi qarax lagula beegsaday saraakiil Burundeys ah.
Qaraxa waxa uu sigaar ah kaga dhacay Tuulada Xaaji Cali oo hoostagta degmada Cadalle oo ka mid ah goobaha shisheeyaha duulaanka ay kaga suganyihiin gobalka Shabeelada dhexe.
Ilo wareedyo ayaa xaqiijiyay in markii hore maleeshiyaatka dowlada Ridada federaalka ay arkeen miino goobta ku aasan waxey ku wargaliyeen saraakiisha ciidamada Burundi ee ku sugan degmada Cadalle.
Diyaarad Elecobtar ah oo deegaanka soo caga dhigatay ayaa keentay saddex sarkaal oo Burundeys Miino baarayaal ah.
Saraakiishan oo doonayay iney miinada goobta ay ka bixiyaan ayaa markii ay soo dul istaageen miinada ayna isku dayeen iney bixiyaan ayaa markaliya waxaa qaraxday miinadaasi.
Idaacada Andalus ayaa baahisay in gabi ahaan saddex-da sarkaal Burundeyska ah ay goobta ku baqtiyeen’kuwaasi oo markii dambe meydadkooda goobta ay ka qaaday diyaaraddii markii hore iyagoo nool goobta keentay.
Dhanka kale Kolanyo Amarican iyo Kenyaati ah oo ay la socdeen maleeshiyaatka maamulka gaala raaca Axmed Madoobe waxaa qarax culus lagula beegsaday duleedka magaalada Kismaayo ee xarunta gobalka Jubbada hoose.
Qaraxa waxa uu sigaar ah kaga dhacay deegaanka Janaay Cabdi oo hoostagta magaalada Kismaayo’iyadoona dhawaaqa qaraxa si aad ah looga maqlay deegaano badan oo dhaca duleedka magaaladaasi.
Idaacada Andalus ayaa baahisay in miinada ay haleeshay gaari ay la socdeen saraakiil caddaan American ah kuwaasi oo la xaqiijiyay iney baqti iyo dhaawac ay ku noqadeen qaraxaasi.
Calamada.com
About The Author
