Afhayeenka ciidamada Xarakada Mujaahidiinta Al-Shabaab Sheekh Cabdul-casiis Abuu Muscab oo wareysi gaar ah siiyay idaacadda islaamiga ah ee Al-furqaan, ayaa ka ka war bixiyay weeraradii xiriirka ahaa ee usbuucan ka dhacay dhulka Soomaalida ee ay Kenya heysato islamarkaana ula baxday wuqooyi bari.
Wuxuu sheegay in ciidamada Xarakada Mujaahidiinta Al-Shabaab ay sadax weerar ka geysteen dhulkaas, kuwaasoo labo kamid ah ay ka dheceen degaano Gaarisa hoos taga, halka midka kale uu ka dhacay degaan hoos taga degmada Mandheera.
Sh/Abu Muscab ayaa xusay in dhammaan weeraradan lala beegsaday ciidamo Bolis ah oo qeyb ka ah kuwa maalmahanba lagu soo daabulayay dhulkaas looguna tala galay iney dhibaateeyaan dadka Soomaaliyeed ee halkaasi ku dhaqan.
Labo kamid ah weerarada waxaa lagu dilay 10 askari, halka midka kale lagu dilay 4 askari, taasoo wadarta dhimashada ka dhigeysa 13 askari sida uu inoo xaqiijiyay Sheekh Cabdil-casiis Abu Muscab, isagoo intaasi ku daray in sadax gaadiid ahna laga gubay.
Ugu dambeyntii wuxuu Afhayeenku ku goodiyay iney sii laba jibaari doonaan weerarada, wuxuuna dadka Soomaaliyeed ee dhulkaasi ku dhaqan ugu baaqay iney garabsadaan mujaahidiinta, ayna iska dul qaadaan gumeysiga heysta.
Halkan Ka Dhageyso Wareysi Sh Abu Muscab Weeraradii NFD25-05-2017
About The Author
