Guud ahaan Muslimiinta Soomaaliyeed iyo kuwa Caalamka waxaa caawa u bilatay bisha barakeysan ee Ramadaan’iyadoona bisha laga arkay deegaano ka tirsan wilaayaatka Islaamiga dalka Somalia.
Deegaanada bisha laga arkay waxaa ka mid ah Ceel-ware,Mukeyle,Qobyaxaas oo ka wada tirsan gobalka Hiiraan’sidoo kale Bisha waxaa caawa laga arkay deegaanka Biyo cadde,Oobaale iyo Qurac Madoobe oo ka wada tirsan wilaayada Shabeelada dhexe.
Nabadoon Axmed Jihaad oo ka mid ah waxgaradka Soomaaliyeed kuna sugan gobalka Hiiraan ayaa warbaahinta Calaamda.com u xaqiijiyay in isaga iyo ku dhawaad Konton ruux Muslimiin Caaqiliin qaangaarayaal ah bisha ay arkeen iyagoona ku sugan deegaan ka tirsan gobalka Hiiraan.
Dhanka kale war rasmi ah oo kasoo baxay garsooka Xarakada Shabaabul Mujaahidiinta ayaa lagu sheegay in bisha Ramadaan laga arkay wilaayaatka islaamiga ah ee dhaca Koonfurta iyo bartamaha dalka Soomaaliya.
Dhamaan dadka Muslimiinta waxaan leenahay Allaah SW hanaga wada dhigo anaga iyo idinka kuwii ka faa’ideysta fadaa’isha iyo Kheyraatka ka buuxa bishan barakeysan ee Ramadaan.
Calamada.com
About The Author
