Wararka ka imaanaya dalka Mareykanka waxey sheegayaan in weerar sababay khasaara nafeet uu ka dhacay isbitaal ku yaala gudaha dalkaasi.
Weerarka waxa uu sigaar ah kaga dhacay isbitaal weyn oo ku yaala deegaanka Bronx oo hoostaga magaalada New York ee dalka Mareykanka.
Nin hubeysan ayaa la xaqiijiyay inuu gudaha u galay isbitaalka islamarkaana Rasaas ooda kaga qaaday dadkii ku sugnaay gudaha isbitaalkaasi.
Inta la xaqiijiyay weerarkaasi waxaa ku dhintay hal ruux oo dhaqtar ka ahaa isbitaalka waxaana ku dhaawacmay shan ruux,iyadoona weeraryahanka weerarka geystay uu ku hubeysnaay qoriga nooca loo yaqaano M16.
Saraakiil u hadashay booliska Mareykanka ayaa warbaahinta u sheegay iney toogasho ku dileen Ruuxa weerarka fuliyay ayna ka qaateen qorigii uu ku hubeysnaay.
Ilo wareedyo laga helayo isbitaalka waxey sheegayaan in ninka weerarka fuliyay lagu magacaabi jiray Henry Belo da,diisuna ay tahay Afartan iyo Shan jir.
Ilo wareedyada waxey intaasi ku darayaan in ninkan mar dhaqtar uu ka ahaa isbitaalkan islamarkaana uu ku taqasusay caafimaatka qoyska.
Ilaa iyo hadda lama xaqiijin waxa uu ninkan dhaqtarka ah weerarkiisa uu salka ku hayo,iyadoona dhowr jeer weeraro kala duwan ay ka dhaceen gudaha dalka Mareykanka.
Calamada.com
About The Author
