Saacadihii lasoo dhaafay waxaa markale dagaal cuslu oo u dhaxeeya ciidamada Shabaabul Mujaahidiin iyo kolanyo isugu jirta Caddaan iyo Madow ka dhacay duleedka degmada Mahadaay ee gobalka Shabeelada dhexe.
Dagaalkan waxa uu sigaar ah kaga dhacay wadada isku xirta deegaanka Cali Fooldheere iyo degmada Mahadaay oo gobalkaasi ka wada tirsan.
Dadka deegaanka oo la hadlay warbaahinta ayaa sheegay in dagaalkii shalay ka dhacay halkaasi uu ka mid noqonaya dagaaladii ugu cuslaay ee muddooyinkii dambe ka dhacayay agagaarka deegaankaasi.
Warar hoose ayaa sheegaya in dagaalkaasi dhimasho iyo dhaawac ay ku noqdeen askar iyo saraakiil isugu jirta kuwa dowlada federaalka iyo kuwa shisheeyaha ah.
Diyaarad Elecobtar ah oo goobta soo gaartay ayaa halkaasi ka qaaday meydadka iyo dhaawacyada saraakiil askar caddaan ah,iyadoona meydadka iyo dhaawacyada dowlada Ridada iyo kuwa AMISOM goobta looga daabulay Labo Ambalas iyo gaari Cabdi bile ah.
Ilo wareedyo hoose ayaa sheegaya in labo sarkaal oo ka tirsan saraakiisha ciidanka dowlada Farmaajo qeyb ka yihiin xubnaha dhimashada iyo dhaawaca ku noqday dagaalkaasi.
Goob-joogayaal ayaa iyaguna sheegay iney arkeen gaari Beebo ah oo waxyeelo xoogan laga gaarsiiyay shisheeyaha iyo sarkaal caddaan ah oo dhulka yaala kaasi oo ay haleeshay rasaasta Mujaahidiinta.
Dagaalkan waxaa ka horeeyay qarax ka dhacay afafka hore ee deegaanka Cali Fool-dheere kaasi oo haleelay gaari Cabdi bile ah,waxaana jira burbur soo gaaray gaariga iyo khasaara dhimasho iyo dhaawac ah oo soo wajahday saraakiishii iyo askartii la socotay gaarigaasi.
Calamada.com
About The Author
