Wararka ka imaanaya magaalada Gazza ee dhulka Muslimiinta reer Falistiin waxey sheegayaan in saacadihii lasoo dhaafay dhanka Bari ee Mukhayamka Al-magaazii ee bartamaha Qidhaaca Gaza ay kusoo dhacday mid ka mid ah diyaaradaha maamulka Yahuuda.
Diyaaradan oo ah nooca basaaska duuliye la’aanta ayaa gabi ahaan burburtay xilli ay ku guda jirta howlo basaasnimo ah oo ay ka waday hawada sare ee maagaalada Gaza ee sanadaha badan ku jirta go,doonka Yahuuda.
Si rasmi ah looma xaqiijin in diyaarada gantaal lala helay ama cillad kale usoo dhacday,balse sarkaal u hadlay maamulka Yahuuda ayaa xaqiijiyay burburka diyaaraddaasi.
Diyaaradan ka burburtay maamulka Sahyuuniyadda Yahuuda ayaa noqneysa diyaaradii Lixaad oo maamulka Yahuuda ka burburta Todobadii Bilood ee u dambeysay.
Calamada.com
About The Author
