GG Kariuki oo ka mid ahaa Xildhibaanada dalka Kenya, lana soo shaqeeyey dowladihii kala duwanaa ee soo maray dalkaaas ayaa maalma ka hor ku halaagsamay isbitaal ku yaalla magaalada Nairobi ee caasimada dalka Kenya.
Ninkan ayaa waziir ka soo noqday dowladihii ay hogaaminayeen Jomo Kenyatta iyo Daniel Arap Moi oo ahaa labadii madaxweyne ee ugu horeeyey ee soo maray dalka Kenya.
Ilo-wareedyo ku dhow-dhow eheladiisa ayaa sheegaya in lagu soo booday todobaadyo ka hor, islamarkaana la dhigay Isbitaal ku yaalla magaalada Nairobi balse ugu dambeyntii uu halkaas ku baqtiyey.
GG Kariuki oo ah xildhibaan laga soo doorto gobolka Laikipia ayaa ahaa ninkiii ka dambeeyey xasuuqii 1980-kii ka dhacay magaalada Garissa ee lagula kacay dadka Soomaaliyeed.
Xilligaas wuxuu ahaa waziirkii amniga gudaha ee dowlada Kenya, Waxaana warbaahinada dalka Kenya ay badanaa sheegaan in uu ahaa mas’uulkii xilligaas uu Daniel Arap Moi uu u xil-saaray daminta kacdoonkii ay waqtigaas ku jireen Muslimiinta NFD si ay isaga dul qaadaan gumeysiga Kenya, kuna soo biiraan dadkooda Soomaaliyeed.
Waxaa la xusuustaa in markii uu xasuuqa la dhacay ee la burburiyey guryaha, ragga la laayey, dumarkana la kufsaday, uu diyaarad military ku yimid magaalada, uuna si jees-jees ah u yiri: “Waxaan arkay guryo la gubay iyo dhismayaal la burburiyey oo sheeda sare ka daawaday, Laakiin si kastaba ciidankeenu waxay mudan yihiin in lagu amaano howsha ay qabteen”
Wareysi bishii Nov. ee sanadkii 2014-kii uu la yeeshay TV-ga Al-Jazeera ayuu GG Kariuki ku difaacay Xasuuqii xilligaas isaga iyo ciidanka Kenya ay ka geysteen Magaalada Garissa, Wuxuuna tilmaamay in waxa magaalada ka dhacay uu ahaa howlgal lagu beegsanayey koox dambiileyaal ah oo hubeysan sida uu hadalka u dhigay.
“Haddii dadka aan beegsaneynay aysan hubeysnaan lahayn, ciidanku ma adeegsadeen awood iyo hub” ayuu yiri intii lagu gudajiray wareysi uu siiyey Al-jazeera isagoo dumarkii iyo caruurtii lagu xasuuqay halkaas ku tilmaamay kuwo hubeysnaa.
Xasuuqii Garissa ee 1980-kii wuxuu ka mid ahaa Xasuuqyadii ugu xumaa ee Soomaalida ku dhaqan NFD ay kala kulmaan ciidamada kufaarta Kenya, Waxaana warbaahinadu ay sheegaan in lagu dilay in ka badan 3000 oo ruux, wallow dad xog-Ogaal ah ay sheegeen in tiradu ay intaas ka badan tahay.
Sidoo kale waxaa lagu burburiyey boqolaal dhisme oo isugu jira guryo iyo goobo ganacsi, Iyadoo sidoo kalena lagu kufsaday dhamaan dumarkii magaalada.
Xuquuqda Warbixinta Waa Radioandalus24.com
Calamada.com
About The Author
