Ciidamada Mujaahidiinta ayaa xaley ka hortagay, islamarkaana fashiliyey weerar ciidamo ah American ah ay ku soo qaadeen degmada Kuunya-barow ee wilaayada Sh/hoose.
Mas’uuliyiin ka tirsan maamulka Islaamiga ee Wilaayada Sh/hoose ayaa Idaacadda Andalus u sheegay in ciidamo American ah oo wata laba diyaaradood oo helicopters ah ay weerar dhuumaaleysi ah ku soo qaadeen degmada Kuunya-barow si ay u carqaladeeyaan Amniga dadka Muslimiinta.
“Allaah fadligii Ciidamada Mujaahidiintu waxay xaley fashiliyeen weerar Inzaal American ah oo ay soo qaadeen ciidamada Mareykanka. Mujaahidiinta oo markii horeba hayey xogta iyo dhaq-dhaqaaqyada cadowga ayaa ka hortagay weerarka islamarkaana fashiliyey taas oo keentay in cadowga uu ka cararo goobta isagoo aanan gaarin hadafkiisa” sidaas waxaa Idaacadda Andalus u sheegay mid ka mid ah Mas’uuliyiinta maamulka.
Ciidamada cadowga ayaa markii ay ogaadeen in laga warhelay, sidoo kalena dareemeen dhaq-dhaqaaqyada Mujaahidiinta, waxay Hoobiyeyaal ka soo tuuraan duleedka magaalada taas oo keentay in uu sii fashilmo howlgalkoodii qarsoodiga ahaa.
Ma jiro wax qasaare ah oo ka dhashay duqeynta hoobiyaha ah ee cadowga uu ka geystay deegaanka.
Weerarkan waa midkii labaad oo sanadkan gudahiisa ay fashiliyaan Mujaahidiinta.
Horaantii bishii May ee sanadkan waxay Mujaahidiintu ka hortageen weerar midkan la mid ah oo cadowga uu ku soo qaaday deegaanka Daara-Salaam ee Wilaayada Sh/hoose kaas oo lagu dilay Askar American ah laguna dhaawacay kuwo kale.
Mareykanka ayaa xilligaas qirtay in uusan xaqiijin hadafkii weerarka, lagana dilay hal askari, sidoo kalena laga dhaawacay saddex kale.
Xigasho Radioandalus24.com
Calamada.com
About The Author
