Wararka ka imaanaya magaalada Qudus ee xooga ay ku heysata Yahuuda waxey sheegayaan in saaka aroortii afafka hore ee Masjidka Barakeysan ee Al-aqsaa uu ka dhacay iska hor,imaad xoogan.
Iska hor,imaadkan oo dhexmaray dhalinyaro Muslimiin Falistiiniyiin hubeysan ah iyo ciidamada Yahuuda ayaa sababay khasaara nafeet.
Dhalinyarada hubeysan ayaa rasaas ooda uga qaaday askar Yahuud ah oo ku sugnaay afafka hore ee Masjidka Barakeysan ee Al-aqsaa,iyagoona rasaastaasi ku dhaawacay Saddex askari oo Yahuud ah oo mid ka mid ah dhaawaciisa aad u u culusyahay.
Dhalinyardan hubeysan oo tiradooda lagu sheegay saddex ruux ayaa gudaha u galay Masjidka waxeyna barxadda Masjidka dagaal culus kula galeen ciidamada Sahyuuniyada ee xooga ku heysata Masjidka iyo guud ahaan dhulka Muslimiinta Reer Falistiin.
Wararkii ugu dambeeyay waxey sheegayaan in iska hor,imaadka markii muddo socday kadib ay shahiideen Saddex-dii dhalinyaro ee saaka weerarka kula jarmaaday ciidamada Yahuuda ee ku sugan albaabada laga galo Masjidka Barakeysan ee Al-aqsaa.
Taliyaha ugu sareeya ciidamada Yahuuda ee ku sugan afafka hore ee Masjidka Barakeysan ee Al-aqsaa ayaa ku dhawaaqay in gabi ahaan dadka Muslimiinta maanta laga mamnuucay iney Saalada Jumcaha ku dukadaan Masjidka.
Muddo Afartan Iyo Shan Sano ka hor ayeey aheed markii sidoo kale maamulka Yahuuda si bareer ah dadka Muslimiinta uga mamnuucay in Salaadaha lagu dukado Masjidka Barakeysan ee Al-aqsaa.
Calamada.com
About The Author
