Iyadoo maalintii shalay gudaha magaalada Boosaaso ee xarunta gobalka Bari uu ka dhacay dibad bax rabshado wato waxaa sii kordhaya khasaaraha ka dhashay dibad baxaasi.
Kumanaan shacab ah ayaa isugu soo baxay waddooyinka magaalada Boosaaso kuwaas oo kasoo horjeeday sicir bararka ka dhashay diidmada lagacaha shilin Soomaaliga Faalsada ah ee uu daabacay maamulka ‘Puntland’.
Dadka isku soo baxyada dhigayay oo ah danyarta ka xoogsata suuqyada ayaa saameeyey dhaq dhaqaaqa ganacsiga waxaana xiran suuqyada ganacsiga, dibad baxyada oo markii dambe isku bedelay gacan ka hadal ayaa dhaliyay khasaara maaliyeed iyo dhaawacyo soo gaaray askar iyo dad shacab ah.
Dibad baxaan ayaa sababay dhaawacyo soo gaartay dadkii dibadbaxayay iyo sidoo kale xubno ka tirsan maamulka gaala raaca Puntladn sida Taliyaha maleeshiyaatka ilaalada Dekeda Bosaaso Maxamed Cali Xaashi iyo labo askari oo ka mid ah ilaaladiisa gaarka ah.
Sidoo kale intii dibad baxa uu socday waxaa gudaha magaalada Boosaaso ka dhacay iska hor,imaad xoogan oo dhexmaray maleeshiyaat ka wada tirsan maamulka Murtad Cabdi Wali Gaaz.
Maalntii labaad wararka laga helayo Boosaaso waxey sheegayaan in wali ay xiranyihiin goobaha ganacsiga magaalada,waxaana suura gal ah in markale dibad baxyo ka dhacaan magaaladaasi.
Maleeshiyaatka maamulka Puntland ayaa xabsiga dhigay dad ay ku eedeeyeen iney soo abaabuleen dibad baxii xooganaay ee maalintii shalay ka dhacay gudaha magaaladaasi.
Calamada.com
About The Author
