Wararka laga helayo deegaanka Weedow oo ah deegaan ku yaala inta u dhaxeysa deegaanka Tareedisho iyo isgoyska Ex-control Afgooye ee magaalada Muqdisho waxey sheegayaan in qeybo ka mid ah deegaankaasi lagu dilay sarkaal sare oo ka tirsan Nabadsugida dowlada Ridada Farmaajo.
Sarkaalkan lagu dilay deegaanka Weedow ayaa lagu magacaabi jiray Cumar Khadar kaasi oo ahaa taliyihii maleeshiyaatka Nabadsugida ee deegaanada Tareedisho iyo Kax-shiikhaal ee duleedka magaalada Muqdisho.
Ciidamada Xarakada Shabaabul Mujaahidiin ayaa sarkaalkan ku dilay howlgal gaar ah oo ay ka fuliyeen deegaanka,iyadoona sarkaalka xilligii la dilayay uu gaarigiisa la socday.
Dilka Taliyihii maleeshiyaatka Ashahaado la dirirka deegaanada Kax-shiikhaal iyo Tareedisho ayaa kusoo aadaya xilli saacadihii lasoo dhaafay howlgal ciidamada Shabaabul Mujaahidiin ay ka fuliyeen gudaha degmada Hodan ay ku dileen Axmed Muxamed Cali oo ahaa sarkaal sare oo ka tirsan Booliska Farmaajo.
Muuse Malaay.
Calamada Online.
Mogadishu Somalia.
About The Author
