Dowladda Kenya ayaa ka digtay in ay dibadbaxyo ka dhacaan saddex magaallo oo ku yaalla wadanka, Iyadoona taageerayaasha mucaaradka uga digtay in ay isugu soo baxaan magaalooyinka waaweyn ee dalka si ay u dhigaan dibadbaxyo ay ku taageerayaan hogaamiyahooda.
Fared Matiyangi oo ah ku simaha waziirka Amniga gudaha ee dowlada Nasaarada Kenya ayaa amar ku bixiyey in aanan dibadbaxyo lagu dhigi Karin saddexda magaallo ee ugu waaweyn wadanka sida magaalada Nairoibi oo caasimada wadanka, Mombasa oo ah xarunta ganacsiga ee dalka iyo magaalada Kisumu oo ah magaalada saddexaad ee wadanka.
Kisumu waa magaalada uu ka soo jeedo Raila Odinga oo ah hogaamiyaha mucaaradka ee wadanka, Waxaana bishii August ka dhacay dibadbaxyo rabshadeysan oo lagu dilay tobanaan dad ah intii lagu gudajiray doorashadii lagu murmaray ee ka dhacday wadanka.
“ilaalinta nolosha iyo hantida dadka Kenyaatiga ah waa mid aanan gorgortan gali Karin” sidaas waxaa yiri Fared Matiyangi oo ah ku simaha waziirka Amniga ee Kenya, Wuxuuna sheegay in dowladu ay gabi ahaanba mamnuucday in dibadbaxyo lagu dhigo magaalooyinka waa weyn ee astaanta u ah ganacsiga wadanka.
Dalka Kenya ayaa sanadkan foodda geliyey rabshado ka dib markii mucaaradka uu sheegay in lagu shubtay doorashadii ugu dambeysay ee ka dhacday wadanka taas oo la sheegay in uu ku guuleystay madaxweynaha dalka Kenya Ra’ila Odinga.
Maxkamad sare ee dalka Kenya ayaa bishii la soo dhaafay Laashay natiijada ka soo baxday doorashadaas, islamarkaana ku baaqday in la qabto doorasho kale muddo 60 cisho gudahood ah.
Laakiin hogaamiyaha Mucaaradka Raila Odhinga ayaa todobaadkan isaga baxay doorashada ka dib markii uu sheegay in la iska dhaga tiray dalabaad uu hordhigay gudiga doorashooyinka, islamarkaana aanan diyaar loo ahayn in dalabaadkooda la aqbalo. Ka bixitaankiisa ka dib, waxay dowlada Kenya sheegtay in aanan loo dhutin doonin bixitaanka Raila Odinga, howshuna u socon doonto sidii loo qorsheeyey.
Tani ayaa markale xiisad ka kicisay gudaha wadanka, waxaana suuragal ah in ay dhacaan rabshado dhiig badan ku daato oo ay sameeyaan taageerasha mucaaradka oo dibadbaxyo waa weyn ka abaabulaya magaaloyinka wadanka.
Lama oga go’aanka dowlada Kenya qaadan doonta haddii taageerayaasha mucaaradka dhigaan dibadbaxyada, waxaase la filayaa in dibadbaxayaasha mucaaradka ay isugu soo baxaan magaalooyinka si ay u garab istaagaan hogaamiyahooda.
About The Author
