Dowladda Maraykanka ayaa soo saartay digniin cusub oo la xiriirta halis ku wajahan muwaadiniinteeda ku sugan magaalada Muqdisho ee caasimadda Soomaaliya.
War kasoo baxay wasaaradda arimaha dibadda Maraykanka waxaa lagu amray muwaadiniinta Maraykanka ee ku sugan Muqdisho in si deg deg ah uga baxaan magaalada Muqdisho.
Maraykanku wuxuu sheegayaa inuu helay macluumaadyo xasaasi ah oo sheegaya iney dhici doonaan weeraro si gaar ah loogu bartilmaameysto muwaadiniintiisa sida xad dhaafka ah ugu sugan Soomaaliya, kuwaaas oo xilal kala duwan ka haya dowladda federaalka.
Lama oga digniintan iney saameyneyso madaxweynaha dowladda federaalka Maxamed Cabdullaahi Farmaajo oo qudhiisa ah muwaadin Ameerikaan ah.
Arintan ayaa timid iyadoo 28-dii bishii Octobar weerar xoogan lagu qaaday hotel Naashablood 2, halkaas oo lagu dilay 70 Ruux oo saraakiil, wasiiro, iyo xubno katirsna dowladda ay ku jireen.
About The Author
