Shilkan gaari waxa uu ka dhacay agagaarka garoonkii diyaaradaha Macmalka ahaa ee Cisileey oo ku yaala duleedka magaalada Muqdisho.
Shilka ayaa yimid kadib markii uu rogmaday gaari Xamuul nooca Dhaynada ah kaasi oo dadka la socday ay u badnaayeen dad caanaha xoolaha usoo waday gudaha magaalada Muqdisho.
Gaarigan ayaa kasoo baxay deegaanka Ceelmacaan waxeyna dadka deegaanka sheegeen in goobta shilka uu ka dhacay laga soo qaaday Sagaal ruux oo dhaawacyo ah.
Dhaawacyadan ayaa loo soo qaaday Isbitaalada Muqdisho,dadka dhaawacmay waxaa ku jira Waalidiin dhabarka ka jabay oo xaaladooda aad u liidato.
Shilkan ayaa imaanaya xilli sidoo kale shil gaari oo sababay dhimasho iyo dhaawac dad shacab ah uu ka dhacay agagaarka garoonka diyaaradaha degmada Garoowe ee gobalka Nugaal.
Muuse Malaay.
Calamada Online.
Mogadishu, Somalia.
About The Author
