Iska hor’imaadyo xooggan ayaa saacadihii lasoo dhaafay lagu qaaday qaar kamid ah saldhigyada ciidamada shisheeye iyo maleeshiyaadka dowladda ay ku leeyihiin Koonfurta iyo bartamaha Soomaaliya.
Wararka ka imaanaya duleedyada magaalada Kismaayo ayaa sheegay in xalay fiidkii ay ka dhaceen iska hor’imaadyo culus kadib markii ay dagaalyahanada jihaadiga Al Shabaab ay weerareen saldhigyo melleteri.
Weerarada ugu badan ayaa xalay ka dhacah dhowr degmo oo ciidamada shisheeyaha AMISOM ay uga suganyihiin Sh/hoose, xoogag aad uhubaysan ayaa weeraro ku miray saldhiyada ciidamada Uganda ay uga suganyihiin Baraawe,Qoryooleey iyo Janaale.
Dadka deegaanka ayaa sheegay in ay maqlayeen jugta madaafiicda iyo rasaas xooggan oo labada dhinac isdhaafsanayeen.
Dhinaca kale saldhigga ciidamada Jabuuti ee degmada Jalalaqsi ayaa xalay lakulmay weerar aad uculus, ilo wareedyo ayaa sheegaya in weerar ku bilaawday madaafiic lagu qaaday saldhigga kadibna waxaa dhacay iska hor’imaad fool ka fool ah.
Sidoo kale waxey ciidamada Mujaahidiinta weerar madaafiic ah ku qaadeen saldhiga askarta Xabashida Itoobiya ka sameysteen degmada Qansaxdheere ee Wilaayada Baay iyo Bakool, Waxeyna madaafiicda ku dhaceen gudaha saldhiga.
Weeraradan kala duwan ee ka kala dhacay Konfurta iyo bartamaha dalka Somalia ayaa sababay khasaara nafeed iyo mid hantiyadeed oo soo gaartay ciidamada Kufaarta Afrikaanta iyo kuwa Murtadiinta.
About The Author
