Guutada qaraxyada Mujaahidiinta ayaa maanta weerar qarax khasaare dhimasho iyo dhaawac dhaliyay ku beegsaday maleeshiyaad ka tirsan dowladda Ridada Farmaajo xilli ay marayeen deegaan ka tirsan gobolka shabeellaha dhexe.
Qaraxa oo jugtiisa si wayn looga maqlay meel aad u fog fog ayaa ka dhacay inta u dhaxayso deegaannada Biyo-cadde iyo Ceelbaraf ee gobolka shabeellaha dhexe waxaana uu qaraxu haleelay kolonyo maleeshiyaad murtadiin ah oo kasoo baxay degmada Jalalaqsi kuna sii jeeday magaalada Muqdisho ee caasimadda Somalia.
Inta la ogyahay waxaa qaraxaasi ku dhintay 4 askari oo ka mid ahaa kolonyadii murtadiinta ee qaraxa lagu beegsaday iyo dhaawaca 5 kale waxaana sidoo kale qaraxaasi lagu burburiyay gaari Cabdi bile ah.
Guutooyinka qaraxyada ee xarakada Mujaahidiinta Al-shabaab waxay maalmihii u dambeeyay sare u qaadeen weerarada qaraxyada ee ay ka fulinayaan bartamaha Somalia.
Saacadihii lasoo dhaafay ayay ahayd markii qarax xooggan oo khasaare dhimasho iyo mid dhaawac dhaliyay lala eegtay kolonyo maleeshiyaad murtadiin Soomaali ah iyo kuwa Jabuuti Hiil gaalo xilli ay marayeen duleedka degmada Buula-barde ee gobolka Hiiraan.
Calamada.com
About The Author
