Sida ay sheegayaan wararka ka imaanaya gobolka Hiiraan ciidamo katirsan wilaayada Islaamiga ah ayaa howlgal burcad sifayn ah ka bilaabay dhowr deegaan oo hoos yimaad degmada Maxaas.
Maanta barqadii ayay ciidamada xisbada wilayada Islaamiga Hiiraan waxay uruqaansadeen deegaannada Raaqso,Teedaan iyo Waabweyn halkaas oo ay isbaarooyin dhigteen maleeshiyaad gacansaar laleh ciidamada Xabashida Itoobiya.
Ilo wareedyo ayaa sheegaya in iska hor’imaadyo xooggan ay dhaxmareen ciidamada xisbada iyo maleeshiyaadka Burcadda ah ee carratuurka u ah ciidamada Xabashida Itoobiya.
Howlgalkan ay sameeyeen ciidamada wilaayada Islaamiga Hiiraan ayaa yimid kadib markii cabashooyin isdabajoog ah ay ka yimideen dadka ku safra wadada xiriirisa Beled Weyne iyo Maxaabiis halkaas oo gaadiidka dadweynaha looga qaadayay lacago baad ah.
About The Author
