Wararka ka imaanaya gobolka Baay ee koonfurta Somalia ayaa sheegaya in maanta qarax khasaare dhaliyay lagu beegsaday masuuliyiin ka tirsan maamulka ashahaada la dirirka ee la magac baxay koonfur galbeed iyo maleeshiyaad kale oo murtadiin ah.
Qaraxa oo jugtiisa si wayn looga maqlay degaammada miyiga ah ayaa lala beegsaday gaari Cabdi bile ah oo uu la socday guddoomiyaha maamulka Ridada degmada Qansaxdheere ee gobolka Baay kaasi oo dhaliyay khasaare dhimasho iyo mid dhaawac leh.
Inta la xaqiijiyay waxaa qaraxa ku dhintay guddoomiye ku xigeenka maamulka Ridada degmada Qansaxdheere oo lagu magacaabi jiray Ibraahim Yuusuf iyo 4 askari oo ka mid ahaa maleeshiyaadka maamulka Ridada ee Koonfur galbeed iyo tiro kale oo dhaawacyo qaba.
Laba xubnood oo uu ka mida ahaa guddoomiyaha degmada Qansaxdheere ayaa ku dhaawacmay qaraxan halka kan kalena uu ahaa askari murtad ah waxaana dhaawacyadooda loola cararay cisbitaaallada maamulka Ridada ee koonfur galbeed.
Wararku waxay intaasi ku darayaan in qaraxa lagu burburiyay gaarigii Cabdi bilaha ee uu qaraxu haleelay waxaana weerarka si dirqi ah kaga badbaaday guddoomiyaha degmada Qansaxdheere.
Shabaabul Mujaahidiin waxay maalmihii u dambeeyay sare u qaadeen howlgallada jihaadiga ah ee ka dhanka ah masuuliyiinta iyo maleeshiyaadka dowladda Ridada kuwaasi oo siyaabo kala duwan uga dhacayay gobollada dalka.
Calamada.com
About The Author
