Wararka ka imaanaya gobolka Jubbada hoose ayaa sheegaya in weeraro xooggan oo khasaare kala duwan dhaliyay ay la kulmeen saldhigyada ciidamada kuffaarta Kenya ay ka samaysteen deegaammada Jubbooyinka.
Weerarka hore oo ka dhacay deegaanka Qooqaani ee gobolka Jubbada hoose waxay ciidamada Mujaahidiinta Al-shabaab ku qaadeen saldhigga ciidamada Kenya ay ka samaysteen gudaha deegaankaasi.
Iska hor’imaad culus oo u dhaxeeyay ciidamada Mujaahidiinta xaq u dirirka ah iyo ciidamada kuffaarta Kenya ayaa ka dhacay gudaha saldhigga halkaas oo la isku adeegsaday hubka noocyadiisa kala duwan, waxayna xogihii ugu dambeyay sheegayaan in khasaare dhimasho iyo mid dhaawac leh uu ka dhashay weerarka.
Saldhigyada ay Mujaahidiintu weerarada ku qaadeen waxaa ka mid ah saldhigga ciidamada kuffaarta Kenya ee deegaanka Cabdalla Biroole ee duleedka magaalada Kismaayo, khasaare kala duwan ayaana weerarkaasi ku gaaray Kenyaatiga.
Sidoo kale saldhigyada la hujuumay waxa ka mid ah saldhigga deegaanka Yoontoy ee duleedka magaalada Kismaayo, iska hor’imadyo ka dhacay saldhigga degaanka ayaana lagu soo waramaya in uu khasaare culus dhaliyay.
Ciidamada xarakada Mujaahidiinta Al-shabaab ayaa sare u qaaday weeraradooda jihaadiga ee ka dhanka ah ciidamada Kenya iyo maleeshiyaadka murtadiinta ee sida joogtada ah uga dhacaya gobollada Jubbooyinka.
Calamada.com
About The Author
