Wararka ka imaanaya wadanka Faransiiska ayaa sheegaya in weerar ciidamo boolis ah lagu dilay uu ka dhacay bartamaha wadankaasi.
Ugu yaraan sedax askari Boolis ah ayaa lagu dilay toogasho ka dhacday deegaanka Saan Joosti ee dhacda bartamaha wadanka Faransiiska sida ay sheegeen saraakiisha Booliska.
Nin hubaysan ayaa toogtay askarta xilli ay gurmad u ahaayeen haweenay ku sugnayd guri dhowr dabaq ah kadib markii ay gurmad weydiisatay booliska balse faah faahin intaas ka dheeri ah lama bixin.
Ciidamada Booliska ayaa markii dambe toogasho ku dilay nin 48 sana jir ah oo loo malaynayo in uu yahay midka toogashada ugeystay ciidamada ammaanka sida ay baahisay wakaaladda wararka AFP.
Dowladda Faransiiska oo bilihii lasoo dhaafay wadday howlgallo ka dhan ah muslimiinta ayaan illaa iyo hadda sheegin in weerarkan uu yahay mid ‘Argagaxiso’ iyo inkale.
About The Author
