Howlgal qarax ah oo ciidamada mujaahidiinta ka fuliyeen deegaanka Tareedisho ee dhaca duleedka Muqdisho ayaa lagu gubay gaari nooca Cabdibilaha ah oo ay la socdeen maleeshiyaad murtadiin ah, waxaana howlgalkaas ku dhintay 4 askari, halka ay ku dhaawacmeen 3 kale.
Dhanka kale, faahfaahin dheeraad ah ayaa kasoo baxaya weerarkii ciidamada mujaahidiintu saacadihii lasoo dhaafay cagta ku mariyeen saldhigga maleeshiyada murtadiinta ee taabacsan saliibiyiinta Kenya kaga sugnaayeeen deegaanka Biyo-madoobe ee hoostaga degmada Faafi ee gobolka Gaarisa, waxayna dhimashadu gaartay 6 askari oo murtadiina, halka dhaawacu yahay 3 kale, waxayna mujaahidiintu soo qaniimeysteen 6 qori AK47 ah iyo hal qori oo RPG ah.
Sidoo kale, howlgal gaar ah oo ciidamada mujaahidiintu maanta ka fuliyeen deegaanka Hareeri Suuki ee hoostaga degmada Ceel-qaaluu ee gobolka Mandheera waxay ku dileen taliyihii ciidamada booliska ee deegaankaas, waxeyna mujaahidiintu kasoo furteen qori iyo boosh, waxa uu taliyaha la dilay ahaa murtad Soomaali ah oo deegaankaas taliye Boolis ka ahaa.
Dhanka kale waxey ciidamada Mujaahidiintu qarax la beegsadeen kolonyo ciidamo saliibiyiin ah oo taliyaha la dilay uga soo gurmatay degmada Ceel-qaali, qaraxa ayaa haleelay gaari Taw ah waxyeello xooggan ayaana soo gaartay ugu dambeyntiina waa jiiteen Taw-ga laga gubay.
About The Author
