Wararka ka imaanaya magaalada Baydhaba ee xarunta gobolka Baay, ayaa sheegaya in saacadihii lasoo dhaafay maleeshiyo hubeysan oo lala xiriirinayo kuwa mucaaradsan maamulka murtad Gurguurte ka dhistay magaaladaasi ay dil u gaysteen ugu yaraan saddex askari oo taabacsan kooxda Riddada.
Maleeshiyaadkan oo si gaar ah uga tirsanaa kuwa la baxay Badbaado Koonfur-galbeed ee uu Gurguurte ku dumiyay maamulkii uu hoggaaminayay Laftarageen, ayaa si gaar ah loogu dilay bannaanka magaalada Baydhaba, maleeshiyada kale ee dilka gaystay, ayaa lasoo wariyay inay deg deg goobta uga baxsadeen.
Kooxda Riddada, ayaa dilka kadib shalay magaalada iyo nawaaxigeeda ka sameysay howlgal ay ku sheegeen inay ku baadi-goobayeen ragga ka dambeeyay dilka maleeshiyada taabacsan ciidankeeda, waxaana raadinta maleeshiyada dilka gaystay loo howlgeliyay laba maleeshiyo, kuwaas oo aan wax natiijo ah keenin.
Dilka ayaa daba socday fariin goodis ah oo ay deegaanka Awdiinle kasoo direen saraakiisha maleeshiyaadka maamulkii hore ee Riddada Koonfur-galbeed, kuwaas oo shaaciyay inay billaabi doonaan howlgallo ka dhan ah maleeshiyada Gurguurte ee ku sugan magaalada Baydhaba.
Magaalada Baydhaba waxaa hadda ka taagan xiisad la xiriirta doorashooyinka kooxda Riddadu halkaas qorsheynayso inay ka qabato, waxaana si adag u diidan saraakiisha maamulkii hore ee Laftagareen, kuwaas oo sheegay inaysan doorasho ka dhici karin Baydhaba, kana hortagi doonaan qorshahaasi.
About The Author
