Askari katirsan ciidamada Booliska dowladda Federaalka Soomaaliya ayaa markale dad shacab ah ku dilay gudaha magaalada caasimadda ah ee Muqdisho.
Wararka laga helayo degmada Hodon ayaa sheegaya in askari boolis ah uu si bareer ah toogasho ugu dilay laba qof shacab ah oo ku sugnaa isgoyska Saybiyaano.
Goob joogayaal ayaa sheegay in askarigu uu rasaas huwiyay goob ay dad shacab ah ku sugnaayeen kadibna uu baxsaday, dadka dhintay mid kamida ayaa ahaa wiil dhalinyaro ah.
Wararka ayaa intaas ku daraya in markii weerarku dhacay kadib ay goobta soo gaareen ciidamo kale oo boolis ah balse kuma guulaysan in ay gacanta ku dhigaan askariga dhibaatada geystay.
Dilalka ay dadka shacabka ah ugeystaan ciidamada dowladda Federaalka ah ayaa bilihii lasoo dhaafay kusoo badanayay degmooyinka gobolka Banaadir.
About The Author
