Inkastoo kooxda Riddada Soomaaliya maanta hakisay xawaarihii la filayay in uu ku billowdo isku soo baxa ka dhanka ah madaxa kooxdaasi iyo dhulboobka uu ka wado caasimadda, ayay gelinkii dambe ee maanta dhaceen banaanbaxyo ay hoggaaminayeen siyaasiyiinta mucaaradka.
Isku soo baxyada lagu diidan yahay dhul-boobka Gurguurte ee galabta dhacay, waxaa qayb ka ahaa oo hoggaaminayay siyaasiyiinta mucaaradka oo ay ka mid yihiin Cabdiraxmaan Cabdishakuur, Cabdiraxmaan Odowaa, Cabdiqaybdiid iyo Koofi.
Banaanbaxa dhacay gelinkii dambe ee maanta ayaa daba socday isku soo baxyo subaxnimadii hore ee saaka ka billowday degmada Dayniile, halkaas oo ay isugu soo baxeen dadyow aad u fara badan oo ka mid ah dadka shacabka ah ee uu guryahooda boobka ku hayay Gurguurte.
Dibadbaxyaasha maanta isku soo baxyada ka dhigay magaalada caasimadda ah ee Muqdisho, ayaa ku dhawaaqayay halku dhigyo ay ka mid yihiin Dooni_meyno Xasan Tuug iyo kuwa kale, kuwaas oo ay ku cabbirayeen caradooda ku aaddan dhul-boobka.
Dadka ka qayb qaadanayay isku soo baxyada waxaa ka mid ah hooyo lixdan jir ah oo uu barakiciyay murtad Gurguurte, waxay sheegtay inaysan waligeed goob u noqon wax la md ah boobka iyo barakicinta uu madaxa murtadiintu ka wado Muqdisho.
Cabdiraxmaan Cabdishakuur iyo siyaasiyiinta kale ee mucaaradka, ayaa si isku mid ah u sheegay inaysan joogsan doonin isku soo baxyada inta uu Gurguurte kasoo celinayo dhulalka uu boobay.
Xasan sheikh, oo ah madaxa kooxda Riddada Soomaaliya, ayaa maanta hadlay isaga oo careysan, wuxuuna inta badan durayay siyaasiyiinta kula dheggan kuriga uu wakhtigiisu gabaabsiga yahay.
About The Author
