Maleeshiyaad ka tirsan kooxda Ridada Somalia ayaa xirtay dhammaan waddooyinka soo gala ama ka baxa isgosyada waddada wayn ee Makka Al-mukarramah oo kutaal magaalada Muqdisho, Taas oo keentay inay xirmaan dhammaan goobihii ganacsi ee kuyiillay waddadan.
Maleeshiyaadkan murtadiinta ah oo ujeedoodu ahaa beegsiga goobaha ganacsi ayaa si gaara u xiray goobaha ganacsi ee kuyiillay inta u dhaxayso isgoysyada dabka iyo sayidka oo ka mid ah goobaha ugu mashuulka badan ee ay ku ganacsadaan dadka ku dhaqan caasimadda.
Tallaabadan ay kooxda Riddadu ku xiratay waddooyinkan muhiimka ayaa saamayn xooggan ku yeelatay isku socodka dadka iyo gaadiidka, Waxayna tan ugu darran ku yeelatay ganacsatada suuqa Makka Al-mukarramah.
Qaar ka mida dadka ganacsiyada ku leh isgoysyada Dabka iyo Sayidka oo xalay warbaahinta kula hadlay magaalada Muqdisho ayaa sheegay inay dhibaatada xooggan ku qabaan tallaabadan iyaga ka dhanka ah ee ay qaaday kooxda Riddada Soomaaliya.
Tallaabadan ay qaadday kooxda Riddada Soomaaliya isa markaana lagu beegsaday dadka shacabka ah ayaa kusoo beegmayso, Xilli ay iska soo daba dhacayaan qaylo dhaanta iyo cabashooyinka kasoo yeeraya shacabka ku hoos nool deegaannada ay ka arrimiyaan maamullada Riddada ah ee dalka ka jira.
About The Author
