Beesha Jiiddo oo ka mid ah beelaha Soomaaliyeed ee dega wilaayada Jubbooyinka ayaa caleema saaratay suldaan cusub oo ku haga ku dhaqanka shareecada islaamka, kaddib munaasabad heer sare ah oo ka dhacday degmada Jilib ee xarunta wilaayada Jubbooyinka.
Xafladda caleema saarka suldaanka beesha Jiiddo ee Jubbooyinka ayaa lagu qabtay hool qurux badan oo muujinaya sida ay beeshu isugu howshay maamuuska suldaankeeda cusub, sida laga dheehan karo sawirrada waxaa hoolka lagu xardhay Raayaadka Rasuulka SCW, ubaxyo, boorar ka tarjumayay xafladda, fadhiyo loogu talagalay marti sharafta iyo agabyo kale oo soo jiitay martida, waxayna beeshaasi qaybteeda degta Jubbooyinka hoolkan ku caleema saaratay Suldaan Cali Nur Cali Garabeey.
Kalimaad kala duwan ayaa laga jeediyay madasha xafladda caleema saarka suldaanka cusub, kuwaas oo u badnaa soo dhawaynta suldaanka cusub iyo dardaaranno loo jeedinayay, maamulka wilaayada islaamiga ah ee Jubbooyinka ayaa ugu dambayn suldaanka guddoonsiisay Kitaabka Qur’aanka kariimka, Raayada Rasuulka SCW, Qori iyo booshkiisa iyo baabuur cusub iyo furihiisa.
Halkan Ka Dhagayso kalimadda Suldaanka Cusub Suldaan Cali Nur Cali Garabeey.
Halkan Ka Dhagayso Kalimaadka Salaadiinta Jubbooyinka.
Halkan Ka Dhagayso Kalimaadka Waxgaradka Beesha Jiiddo.
Hoos Ka Daawo Sawirrada.
About The Author
