Dagaal culus oo dhaxeeya maleeshiyaad hubeysan oo ka tirsan jabhadda mucaarad ku ah maamulka muuse Biixi iyo maleeshiyaadka maamulkaas, ayaa caawa ka dhacay deegaan hoostaga buurta gacan Libaax ee waqooyiga Soomaaliya.
Dagaalka ayaa ka billowday aagga deegaan lagu magacaabo Dirimara, oo u dhow gacan libax, halkaas oo saacadihii u dambeeyay ay kusii qulqulayeen ciidamo badan oo ka socda maamulka murtad Muuse Biixi.
Dagaalka xooggiisa ayaa billowday abaare salaadda maghrib ka dib waxaana lasoo wariyay in deegaanka Dirimara uu ka dhacay dagaal culus oo u dhaxeeyay labada dhinac, uuna jiro khasaare soo kala gaaray dhinacyada.
Muuqaallo lasoo galiyay baraha bulshada ayaa muujinayay jabaqda rassaasta iyo hubka noocyadiisa kala duwan ee la isku adeegsanayay dagaalka, waxaana durba billowday barakac xooggan oo ay samaynayaan dadka deegaanka.
Jabhaddan hubeysan ee dagaalka kula jirta maamulka ashahaada la dirirka Somaliland ayaa saluugsan nidaamka uu wax ku wado maamulka Muuse Biixi gaar ahaan arrimaha doorashooyinka, waxayna ku dhawaaqeen dagaal ka dhan ah maamulkan.
About The Author
