Xarakada Mujaahidiinta Al-Shabaab ayaa markii ugu horreysay shaacisay khasaarihii ka dhashay dagaaladii muddooyinkii lasoo dhaafay sida xiriirka ah u dhex marayay ciidamada mujaahidiinta iyo kuwa Riddada oo garab ka helaya shisheeyaha.
Wareysi gaar ah oo ay idaacadda Al-furqaan kula yeelatay xarunta Axmad Gurey oo uu ka dhacay Shirka 2-aad ee Bariga Afrika ayaa waxa uu Sheekh Abuu Mucsab Afhayeenka ciidamada mujaahidiinta ku sheegay iney muddo 8 bilood ah qaadeen in ku dhow kun weerar oo dhammaantood bartilmaameedyo lala beegsaday, haddey ahaan lahaayeen xarumo ama ciidan.
“Mujaahidiintu waxay ku guuleysteen iney qaadaan muddo 8 bilood gudahood ah- Muxarram illaa Shacbaan- 921 (sagaal boqol labaatan iyo kow) weerar, weeraradaas waxay isugu jiraan camaliyaad waaweyn oo Inqimaasi iyo Istish-haadi ah oo magaalada Muqdisho oo kale ka dhacay, waxaa ku jiray weeraro xeryo lagu burburiyay, waxaa ku jiray dilal qorsheysan oo iqtiyaalaad ah” ayuu yiri Sh/Abuu Muscab.
Intaa kadib wuxuu shaaca ka qaaday khasaaraha ka dhashay weeraradaas wuxuuna yiri: “Waxay ku guuleysteen mujaahidiintu iney ku dilaan weeraradaas 8 bilood gudahood 2506 (laba kun shan-boqol iyo lix) murtad ama gaal iney ku dilaan, waxay ku dhaawaceen 2842 (laba kun sideed boqol afartan iyo labo) kale oo murtaddiin iyo gaalo isugu jira”
Isagoo hadalkiisa sii wata ayaa waxa uu ka hadlay tirada saraakiisha ay ka dileen DF “Saraakiisha marka la qiimeeyo oo laga dilay murtaddiinta, la iskuna dardaro kuwa darajada xeran oo ciidanka ah iyo kuwa qabqablayaasha mooryaanta hor socda, illaa 300 (sadax boqol) ayay gaarayeen. 26 waxay ahaayeen saraakiisha labisan ee kooxda ridada, xidigle laga billaabo illaa korneyl baa u sarreeyay, waxayna ahaayeen ciidan u badan kuwa labisan ee Turkiga iyo Mareykanku tababareen, iyo xataa qaar kamid ah mooryaanti hore oo darajooyin la siiyay, 274 (laba boqol todobaatan iyo afarna) waxay ahaayeen qabqablayaashii abaabulayay iyo mas’uuliyiin dowladda ridada ka tirsanaa iyo mooryaanta macawiisleyda horjoogayaashoodii”
Markey halkaa joogto waxaan weydiinay dhankooda saraakiisha ay ku waayeen dagaalada mudadaasi 8 bilood ah, wuxuuna ku jawaabay sida soo socota:
“Sadax sargaal oo kaliya ayaa annaga nooga shahiiday oo laba taliye horin kamid yihiin, annaga wali calaamaadka ciidanka ma isticmaalno laakin masuuliyaadku sida waxay u dhisan yihiin ciidanka nidaamiga ah, sadax marka laba taliye horin oo u dhiganta laba kabtan marka la fiiriyo darajada calaamaatka iyo hal mas’uul oo gaadiidka ka tirsanaa Xasan Dheere ninka la yiraahdoo filimka kusoo baxay ah, sadaxdaas been ka sheegi meyno Ilaahey hortiina been ka sheegi meyno, aadamaha hortiisana been ka sheegi meyno, sadaxdaas bes ayaa annaga nooga shahiiday”
Warbaahinta Andalus ee ku hadasha afka Xarakada Mujaahidiinta Al-Shabaab ayaa muddo 3 goor ah soo bandhigtay warbixinno ay kusoo bandhigeen boqollaal saraakiil ah oo DF looga dilay dagaalada. Madaxweynaha DF ayaa marki dambe muujiyay in aysan ciidankiisu lasii dagaalami karin Al-Shabaab, wuxuuna taageero ka dalbaday Itoobiya oo ay cadaawad guun ah kala dhaxayso muslimiinta ku dhaqan mandiqadda gaar ahaan Soomaalida.
Halkan Ka Degso Qeybta-1aad Wareysiga Sh Abuu Muscab.
Xigasho Al-furqaan.
About The Author
