Diyaaradaha dowladda saliibiyadda Maraykanka ayaa mar kale duqeyn diyaaradeed ka geystay degmada Galhareeri ee wilaayada islaamiga ee Galguduud, halkaas oo ay ku beegsadeen xarun dadweyne oo loogu adeego dadka rayidka ah.
Diyaaradaha saliibiyiintu waxay ilaa 3 gantaal ku rideen gudaha magaalada, waxayna beegsadeen goob caafimaad oo loogu adeego dadka shacabka ah ee ku dhaqan degmada Galhareeri iyo nawaaxigeeda, waxayna duqayntaas geysatay burbur soo gaaray goobihii caafimaad ee ay beegsadeen saliibiyiintu, balse , Allaah mahadiis, ma jirin wax dhimasho ama dhaawac ah oo ka dhashay duqayntaasi.
Dhanka kale waxaa dhaawac ka soo gaaray duqayn ay diyaaradaha saliibiyiinta Maraykanka u geysteen u shahiiday gabar muslimad ah, Gabadhan oo lagu magacaabo Maa’ido Yuusuf Cabdulle, ahaydna hooyo 2 caruur ah haysatay, ayaa ku dhaawacantay duqayn ay labo maalin ka hor Maraykanku ugu geysteen Galhareeri, waxayna tirada guud ee dadka shacabka ah ee ku shahiiday duqayntaas wuxuushnimada ah ay sidaas ku noqonaysaa 7 qofood oo shacab Muslimiin ah.
Saliibiyiinta Maraykanka ayaa caadaystay beegsiga ka dhanka ah dadka shacabka ah ee ku dhaqa degmooyinka lagu maaamulo shareecada islaamka ee wilaayaadka islaamiga ah, waxaana ugu dambeeyay duqaymihii wuxuushnmada ahaa ee ay ka gaysteen degmooyinka Galhareeri iyo Galcad ee wilaayada Galgaduud.
About The Author
