Tafaasiil dheeraad ah ayaa laga helayaa markab shixnado hub ah sida oo ay maleeshiyaad katirsan maamulka Puntland ku qabsadeen xeebaha gobolka Bari ee dalka Soomaaliya.
Waxaa lahelay xogta dhammeystiran ee markabkan oo maalintii jimcaha lagu qabtay xeebaha deegaanka Raascaseyr, maamulka ashahaadda ladirirka Puntland ayaa war kooban oo uu soo saaray ku xaqiijiyay in ciidamadiisu ay gacanta kusoo dhigeen markab xamuul ah oo lagu magacaabo Sea World islamarkaana ka diiwaan gashan dalka Komoroos.
Sawirro lagasoo qaaday markabka ayaa lagu arkayay gaadiid gaashaaman iyo saanado melleteri oo dulsaaran, markabkan oo kasoo sharaacday dekadda magaalada Istanbul ee dalka Turkiga ayaa sida gaadiid gaashaaman gaar ahaan nuuca beebayaasha loo yaqaan,qoryo gacmeedyo,rasaas iyo kumanaan bastoolado ah.
Cabdi Faarax Juxa oo ah wasiirka arrimaha gudaha maamulka Ashahaadda ladirirka Puntland ayaa war kooban oo uu soo saaray ku sheegay in ay baarayaan hubka saaran markabka kadibna ay saxaafadda lahadli doonaan isagoo Kooxda Riddada soomaaliya ku eedeeyay in ay halis weyn ku tahay amniga gobolka sida uu hadalka udhigay.
illaa iyo hadda ma jirto cid sheegatay milkiyadda hubka iyo gaadiidka saaran markabka waxaana muuqata in kooxda Riddada Soomaaliya ay fadeexad aawgeed afka ka qabsatay arrinta ku saabsan markabka laga qabsaday.
Dhinaca kale qaar kamid ah hubkii saarnaa markabka ayaa ugacan gale dad shacab ah oo ku dhaqan gobolka Bari, sodomeeyo qori ayay boobeen dad ku sugan degmada Caluula ee xeebaha gobolka bari, sawirro ay dadku ku faafiyeen baraha bulshada ayaa muujinayay iyagoo gaari ku daabulanaya hubka oo ay ka koobeen goob ay ku dejiyeen maleeshiyaadka maamulka Puntland.
About The Author
