Wararka ka imaanaya gobolka Gedo ayaa sheegaya inay go’day buundadii degmada Buurdhuubo ka mid ah goobaha uu maro wabiga Jubba, kaddib markii ay halkaasi ka da’een roobab mahiigaan ah iyo biyo xad-dhaaf ah oo uu waday wabiga.
Sawirro iyo muuqaallo laga soo qaaday degmada Buurdhuubo ayaa muujinaya in gabi ahaanba ay go’day buundadii degmadaasi, taasi oo saamayn ku yeelatay bulshada ku dhaqan degmadaas, dad goobjoogeyaal ah ayaa sheegaya in saacadihii lasoo dhaafay la la’sanaa buundadan, dibna laga xaqiijiyay inay go’day.
Waa buundadii labaad oo kutaal gobolka Gedo oo ku go’da biyaha xad-dhaafka ah ee uu wado wabiga Jubba, waxaa kasii horreeyay buundadii degmada Baardheere oo go’day isbuuc ka hor, taasi oo keentay inay kala go’aan bulshada ku dhaqan degmada Baardheere oo uu wabiga u qaybiyay laba daan.
About The Author
