Warbaahinta afka Cibriga wax ku qorta ee Yahuudda, ayaa xaqiijisay in weerar hubeysan oo ka dhacay dalka Masar lagu khaarajiyay ganacsade Yahuudi ah.
Warbaahinta maamulka gumeystuhu waxay sheegtay in ganacsadaha la dilay ee Yahuudiga ah lagu magacaabi jiray Ziv Kipper, waxayna intaas ku dartay in uu toogtay nin hubeysan oo aan haybtiisa la aqoonsan.
Dilka ganacsadaha Yahuudiga ah ayaa si gaar ah uga dhacay deegaan lagu magacaabo Samuuxah oo hoostaga magaalada Alexandria ee dalka Masar.
Waxaa la sheegay in ganacsadaha Sahyuuniga ah uu leeyahay shirkad lagu yaqaano dhoofinta khudaarta barafaysan oo xarunteedu tahay Alexandria, gudaha Masarna uu ka howlgalayay muddo 9 sano ah.
Waxaa xusid mudan in askari ka tirsan booliska Masaarida uu rasaas ku furay dalxiisayaal Yahuud ah oo ku sugnaa magaalada Alexandria 8-da bishii Octoober, kolkaas oo uu dilay laba dalxiise oo sahyuuniyiin ah, kuwa kalena uu dhaawac u gaystay.
About The Author
