Wararka ka imaanaya magaalada Ceerigaabo ee xarunta gobolka Sanaag ee waqooyiga Soomaaliya ayaa sheegaya in habeenkii xalay magaaladaasi ay ka dhaceen isku dhacyo hubeysan oo rabshado wata, kuwaas oo u dhaxeeyay shacab caraysan iyo maleeshiyaad ka tirsan maamulka ashahaada la dirirka ah ee Somaliland.
Ilo wareedyo deegaanka ah ayaa soo wariyay in isku dhacyada hubeysan ay ka dambeeyeen ka dib amar uu soo rogay maamulka ashahaada la dirirka ah ee Somaliland, kaas oo ku aadanaa diyaar garowga waxay ugu yeeraan 18-ka May.
Qaar ka mida bulshada deegaanka ayaa ka biya diiday amarka kasoo baxay askarta maamulka Riddada ee uu madaxa ka yahay murtad Muuse Biixi Cabdi, waxayna dadkaasi isku soo baxyo ka sameeyeen qaybo ka mid ah magaalada Ceerigaabo, gaar ahaan halka loo yaqaan suuq hoose.
Muuqaallo lasoo geliyay baraha bulshada ayaa muujinayay maleeshiyaad ka tirsan booliska maamulka ashahaada la dirirka ah ee Muuse Biixi, oo rassaasta nool nool u adeegsanaya dadka shacabka ah.
Isku dhacyadaan hubeysan ee dhexmaray shacabka iyo maleeshiyada maamulka ashahaada la dirirka ee Somaliland waxaa lasoo wariyay inay ka dhasheen khasaare nafeed iyo mid hantiyeed oo dhinacyada kala gaaray, wallow aan xog dhamystiran laga helin cadadka dhimasho iyo midka dhaawac.
About The Author
