Sida lagu baahiyey sawiro iyo muuqaallo laga soo qaaday magaalada Baydhabo ayaa muujinaya in ciidamada Itoobiya ay bilaabeen inay maleeshiyaat u tababaaraan maamulka ridada ee Koonfur galbeed.
Murtad C/Casiis Lafta-gareen oo ah madaxa maamulka ridada ee Koonfur galbeed oo booqday xerada ciidamada Itoobiyaanka ee magaalada Baydhabo ayaa sheegay inay ku faraxsan yihiin in dowladda Xabashida Itoobiya ay maleeshiyaat u tababarto.
Arrintaan waxay imaanaysaa xilli khilaaf xooggan uu soo kala dhexgalay murtad Lafta-gareen iyo kooxda ridada ee Xasan Gurguurte.
Lafta-gareen ayaa dhawaan wafdi ka socday dowladda Itoobiya kusoo dhaweeyey magaalada Baydhabo iyagoona sheegay wafdigaasi ay maamulka ridada Koonfur galbeed kala shaqeyn doonaan arrimaha Amniga.
Dadka siyaasada u dhuun-daloola ayaa sheegaya inay Lafta-gareen uu damacsan yahay inuu qabsado doorsaho dad-ban oo lamid ah midii uu qabsaday Axmed Madoobe taasoo ay si weyn uga soo horjeedo kooxda ridada ee Gurguure.
Madaxa maamulka ridada ee Koonfur galbeed ayaa u muuqdo inuu hadda salka la galayo ciidamada Itoobiyaanka ee ku sugan magaalada Baydhabo taasoo uu doonayo inuu iska difaaco weerar kasta oo kaga yimaada kooxda ridada ee Gurguurte.
About The Author
