Xiisad siyaasadeed oo aad u xooggan ayaa ka dhex aloosan madaxda maamulka ashahaada la dirirka ah ee Puntland, taasi oo salka ku haysa arrimaha doorashooyinka madaxa maamulkaasi Riddada ah, oo lagu wado in toddobaadyada soo socda ay ka dhacaan magaalada Garoowe.
Murtad Axmed Karaash oo ah ku xigeenka madaxa maamulka ashahaada la dirirka ah ee Puntland ayaa qoraal uu soo dhigay bartiisa Facebook-ga waxa uu eedayn kulul ugu jeediyay murtad Siciid Deni oo ah madaxa maamulkaasi, Karaash ayaa Deni ku eedeeyay kalitalisnimo iyo inuu isku soo koobay awoodda maamulkaasi.
Isagoo qoraalkiisa sii wata ayuu Axmed Karaash sheegay in madaxa maamulkaasi uu ka dhega adeegay baaqyada loo jeedinayo, wuxuuna tilmaamay in haddii uu qaado tallaabo aysan heshiis ku ahayn uu qaadan doono wixii cawaaqib ah ee ka dhasha, waa sida uu hadalka u dhigaye.
Dhanka kale, buuq aad u xooggan ayaa hareeyay fadhi ay maanta lahaayeen xubnaha golaha dawaaqiidda maamulka ashahaada la dirirka ah ee fadhigiisu yahay Garoowe, waxaa lasoo warinayaa in xildhibaannada Ridada maamulkaas ay qudhooda laba garab u kala jabeen, kuwaas oo qaarna taabacsan Deni, qaarna samaystay muddo kordhin hal sano ah.
About The Author
