Waxaa sii kordhaya khasaaraha maleeshiyaadka murtadiinta lagu gaarsiiyay dagaalladii xoogganaa ee maanta ka dhacay deegaanka Gaadday ee dhaca inta u dhaxayso Wisil iyo Bacaadweyn, halkaas oo jab xooggan lagu gaarsiiyay murtadiinta.
Saraakiisha ciidamada mujaahidiinta oo la hadlay idaacadda islaamiga ee Andalus ayaa xaqiijiyay in macluumaadkii ugu dambeeyay ee khasaaraha dhimasho ee murtadiinta uu gaaray 97 askari, iyadoona dhanka kale maydad hor leh oo ay murtadiintu ka carareen laga helay howdkii lagu dagaallamay.
Saraakiisha ciidan ee lagu dilay dagaalladii maanta ka dhacay deegaanka Gaadday waxaa ka mid ahaa Kornayl Cali Naasir Cabdi Faarax oo ahaa sarkaalkii hoggaaminayay maleeshiyaadka la xasuuqay, Cali Qoxooti oo ahaa sarkaal ciidan, Dinix Aadan oo ahaa sarkaal ciidan, Cismaan Cabdi Qoorey oo ahaa sarkaal ciidan, Cabdi-qani Afyare oo ahaa xoghayihii magaalada Gaalkacyo ee maamulka Riddada ee Galmudug, Maxammad Shuuke guddoomiyihii maamulka Riddada ee deegaanka Bajeelle ee gobolka Mudug.
Sidoo kale waxay Andalus heshay magacyada qaar ka mid ah saraakiisha ku dhaawacmay dagaalladii dhacay waxaa ka mid ah Korneyl Cabdi Salaad Taliyaha Qeybta 21-aad ee maleeshiyaadka Ridada, kaasi oo uu soo gaaray dhaawac garaab ah, Caano boore oo ah taliyaha Ururka 13-aad ee maleeshiyaadka Riddada waxaa isagana soo gaaray dhaawac garaab ah iyo Cabdi Manaan oo ah taliyaha maleeshiyaadka mushrikiinta Mudug, kaasi oo uu soo gaaray dhaawac halis ah.
About The Author
