Xiisad siyaasadeed ayaa ka taagan maamul goboleedka ashahaada la dirirka ah ee isku magacaabay Jubbaland, kaasi oo salka ku haya arrimaha dastuur gaaleedka u degsan maamulkaasi.
Xiisadda ayaa timid markii guddoomiye ku xigeenka golaha dawaaqiidda Jubbaland murtad Aadan Khaliif, uu soo saaray warsaxaafadeed uu kaga soo horjeedo qorshe uu wato murtad Axmed Madoobe oo uu ku doonayo in uu wax kaga beddalo qodobbada dastuur gaaleedka u degsan maamulkaasi.
Ninkan ayaa Axmed Madoobe usoo jeediyay in uu joojiyo qorshaha uu wato ee ah in uu furo dastuurka waxna laga badallo, isagoo taasi badalkeeda usoo jeediyay in uu ka fariisto hoggaaminta maamulka Jubbaland.
Xubnaha u taagan xilka madaxweynaha maamulkaasi ayuu usoo jeediyay inay usoo deg degaan doorashada maamulkaasi oo ay sameeyaan isbadal maamul, meeshana ka saaraan Axmed Madoobe.
Gole ay ku mideysanyihiin xubnaha musharraxiinta u taagan xilka madaxweynaha maamulka Riddada Jubbaland, ayaa soo dhaweeyay go’aanka guddoomiye ku xigeenka 1-aad ee baarlamaanka Riddada maamulkaasi, waxayna sharci darro ku tilmaameen in wax ka baddel lagu sameeyo dastuurka maamulkaasi.
Markii uu warsaxaafadeedkaasi soo saaray guddoomiye ku xigeenka golaha dawaaqiidda Riddada Jubbaland, waxaa billowday qorshe mooshin ah oo xilka looga tuurayo Aadan Khaliif, taasi oo sii xoojisay xiisadda.
Xildhibaannada maamulkaasi ayaa maanta lagu wadaa inay kulan gaar ah isugu yimaadaan, kaasi oo la sheegay in xilka looga qaadayo guddoomiye ku xigeenka, warar kale oo soo baxaya ayaa sheegaya in ciidamo ka tirsan kuwa maamulka murtad Axmed Madoobe ay isku gidaameen hoyga uu Kismaayo ka degganyahay guddoomiye ku xigeenka.
About The Author
