Jabhadda xoraynta dadka Axmaarada ee Fano, waxay soo bandhigtay inka badan 1o0 askari oo maxaabiis dagaal ah, kuwaas oo ay sheegtay inay ku qabatay dagaallo culus oo ka dhacay gobolka Axmaarada, oo ay la galeen ciidamo ka tirsan millatariga xabashida.
Warbaahinta taabacsan jabhadda Fano, waxay soo bandhigtay muuqaalka askar badan oo xiran dareeska ciidanka dowladda Itoobiya, waxaana muuqaalkan uu muujinaya ciidanka la sheegay in laga qabtay millatariga dowladda uu hoggaamiyo Abiy Axmed oo fara maran oo hub ka dhigis lagu sameeyay, hareerahana ay ka taaganyihiin ciidamo aad u hubeysan.
Maxaabiistan lagu qabtay dagaallada ka socda gobolka Axmaarada, ayaa kusoo beegmaya, xilli 19-kii bishan ay Fano xabsiga kasii daayay 150 maxbuus oo ku xirnaa Robit Wollo ee gobolka Axmaarada.
20-kii bishan ayay ahayd markii jabhadda Fano, ay sheegatay in dagaallo culus oo gobolka Axmaarada ka dhacay ay ku dishay General sare oo ka tirsanaa hoggaanka ciidamadii uu Abiy Axmed u diray waqooyiga dalkaasi, si ay ula dagaallamaan jabhadda Fano, waxaana sarkaalkaas lagu magacaabi jiray General Maxamed Axmed.
About The Author
