Kooxo hubeysan oo kasoo jeeda Soomaaliya ayaa markale biyaha badda ku qabsaday markab kalluumeysi, sida ay sheegtay dowladda Sri lanka oo ah tan dalkeeda laga leeyahay markabkaasi.
Waaxda kalluumeysiga ee dowladda Srilanka ayaa war ay soo saartay ku sheegtay in markabka la qafaashay uu yahay nooca kalluumeysiga oo laga leeyahay dalkeeda, lana socdeen lix qof oo shaqaale ah, kaas oo ay gacanta ku dhigeen kooxo Soomaali ah.
Susantha Kahawata oo ah agaasimaha guud ee waaxda kalluumeysiga ee waddanka Srilanka ayaa warbaahinta maxalliga ah ee dalkeeda u sheegtay in kooxda hubeysan ee Soomaalida ah, ay markabkaasi ka afduubteen badda carabta .
Maamulka dowladda Sri Lanka ayaa sheegay inuusan jirin wax xiriir ah oo ay la sameeyeen markabka, iyo kooxaha gacanta ku hayo intaba, wallow ay sheegtay inay qaadi doonto tallaabo lagu badbaadinayo dadka laga afduubtay.
About The Author
