Inta la xaqiijiyay ugu yaraan 45 qof oo tahriibayaal ayaa waxay ku dhinteen xeebaha waddanka Jabuti ee dhaca bariga Africa, kaddib marki doomo ay la socdeen ay ku degeen biyaha badda.
Warbixin ay soo saartay laanta dhanka socdaalka u qaabilsan urur gaaleedka qaramada midoobay ayaa lagu sheegay in laba doon oo kasoo shiraacday dalka Yeman ay ku degteen biyaha badda ee waddanka Jabuuti, khasaare laxaad lehna ay ka dhasheen.
Laanta socdaalka ururka Qaramada Mdioobay ee IOM waxay warbixinteeda ku sheegtay, in doonyaha biyaha badda cas ku degay ay la socdeen 310 xubnood, kaliyana lagu guuleystay in lasoo badbaadiyo 32 ka mid ah tahriibeyaasha.
Ilo wareedyo deegaanka ah ayaa soo sheegay in wali socdaan howlgallo lagu badi-goobayo dadka la’yahay, waana mid ka mid ah shilalka ugu khasaaraha badan ee laga soo tabiyo xeebaha Yemen.
Dhammaadka bishii Abriil ee sannakdan ayay ahayd markii sidan oo kale dooni ku degatay xeebaha dalka Jabuuti ay ku dhinteen ugu yaraan 21 xubnood oo tahriibeyaal ah.
About The Author
