Wararka ka imaanaya waqooyiga Somalia ayaa sheegaya in saacadihii lasoo dhaafay mid ka mid ah magaalooyinka uu maamulo maamulka Riddada ah ee Somaliland lagu qabtay sarkaal sare oo ka tirsanaa kooxda Riddada Somalia.
Sarkaalkan oo lagu magacaabo Xasan Ciraaqi ayaa ahaa Taliyihii guutada 18-aad ee maleeshiyada Riddada Gorgor, maleeshiyada maamulka ashahaada la dirirka Somaliland ayaa lasoo wariyay inay ku qabteen magaalada Wajaale ee dhacda xuduud beenaadka.
Ilo wareedyo ayaa sheegay in sarkaalkan murtadka ah uu ka yimid dhanka magaalada Jigjiga uuna soo galay safar dhanka dhulka ah, waxaana sidaas ku qabtay maleeshiyada maamulka murtad Cabdiraxmaan Cirro.
Wararku waxay intaas ku darayaan in sarkaalkan xabsiga la dhigay oo uu u xiran yahay maamulka fadhigiisu yahay magaalada Hargaysa, ma jiro war rasmi ah oo kasoo baxay maamulka Cirro oo ku aaddan xarigga sarkaalkan iyo sidoo kale kooxda Riddada iyo weliba maamulka sarkaalkan dhankiisa uu ka yimid ee Cagjar.
Sarkaalkan u gacan galay maamulka Riddada Somaliland ayaa ka mid ahaa saraakiishii iyo maleeshiyaadkii murtadiinta ee kusoo jabay duullaankii ashahaada la dirirka ee ay kusoo qaadeen wilaayaadka islaamiga ee dhaca bartamaha Soomaaliya, gaar ahaan Sh/dhexe iyo Galgaduud.
Sidoo kale sarkaalkan oo darajadiisa ciidan ahayd Gaashaanlle dhexe, ayaa ahaa ninkii haystay maleeshiyadii kooxda Riddadu ku daabushay magaalada Raaskambooni ee gobolka Jubbada hoose, kolkaas oo ay taagnayd xiisaddii dagaal ee ka dhaxaysay Axmed Madoobe iyo Xassan Gurguurte, halkaas oo lagu soo jebiyay isaga iyo maleeshiyadiisa, taasi oo keentay in iyaga oo firxad ah iska dhiibaan dhanka xuduud beenaadka Kenya.
About The Author
