Taliska ciidanka maamulka gumeystaha Yahuudda ayaa maanta shaaciyay in 15 xubnood oo isugu jira askar iyo saraakiil ka tirsan ciidamadda sahyuuniyiinta ee gudaha u galay Gaza lagu dilay dagaallo ay la galeen kooxaha wax iska caabinta Falastiiniyiinta.
Kanaalka 12-aad ee Yahuudda oo soo xiganaya ciidanka gumeystaha ayaa dhanka kale sheegay in dhammaadka todobaadkii tagay in uu ahaa kii ugu adkaa ee soo mata ciidanka Yahuudda tan iyo markii ay gudaha usoo galeen Marinka Gaza.
Kanaalka 12-aad ayaa tilmaamay in maalintii u dambeysay ee toddobaadkii tagay ciidamada sahyuuniyadda laga dilay 15 askai iyo saraakiil isugu jirta, 44 kale oo ka tirsan isla ciidankaasna la dhaawacay, kuwaas oo 10 ka mid ah ay xaaladoodu aad u liidato.
Ra’iisul wasaaraha gumeystaha Netanyahu ayaa Axaddii shalay sheegay in maamulkiisa uu qiimo aad u sarreeya ku bixiyay dagaallada ka socda, isagoo quus muujinayay ayuu sheegay inaysan haysan khiyaar kale oo aan ahayn inay dagaallamaan.
“Dagaal waxaan ku bixinaa qiimo aad u sarreeya, laakiin ma haysanno doorasho aan ahayn inaan dagaalka sii wadno,” ayuu yiri xilli uu ka hadlayay kulan uu la yeeshay masuuliyiinta maamulkiisa.
About The Author
