Dowladda Riddada Masar ayaa weli waxay quudarraynaysaa in ay ciidamo calooshood ushaqeystayala ah usoodirto Soomaaliya, xilli weli ay hubanti la’aan maaliyadeed ku dul hoganayso kuffaarta Afrikaanta.
Wafdi saraakiil ciidamo ah ayay dowladda Riddada ah ee Masar usoo dirtay Soomaaliya, kuwaas oo lasoo wariyay inay toddobaadkan booqasho kusoo gaareen magaalada caasimadda ah ee Muqdisho.
Qorshaha saraakiisha ayaa lagu sheegay in uu qayb ka yahay diyaargarowga xukuumadda Riddada Qaahira ugu jirto inay ciidamo murtazaqo ah usoo dirto Soomaaliya, si ay qayb uga noqdaan isbahaysiga AUSSOM ee in muddaba wajahaya culaysyo dhaqaale oo xooggan.
Isbahaysigan ayaa tan iyo markii lagu dhawaaqay wajahayay dhaqaale la’aan aad u baahsan, dowladihii maalgelinayay ayaa yeeshay kulamo dhowr ah oo ay ku muujiyeen inaysan diyaar u ahayn inay dhaqaale ku bixiyaan howlgal aan dhammaad lahayn.
Dowladaha maalgeliya isbahaysiga waxaa ugu cadcad dowladda saliibiyadda Maraykanka iyo kuwa gaalada reer Yurub, waxayna horay dhowr jeer si cad ugu sheegeen inaysan qaadi karin culayska dhaqaale ee howlgalkaasi.
Imaanshaha wafdiga saraakiisha ciidanka Masaarida ee magaalada Muqdisho, waxay dhanka kale kusoo beegmaysaa xilli uu taagan yahay khilaafka aadka u xooggan ee u dhaxeeya xukuumadaha Al-qaahira iyo Addis-ababa, kaasi oo salka ku haya biyo xireenkii ay dhowaan daahqaaday Itoobiya ee wabiga Niil.
About The Author
