Iyadoo maalmo ka hor maamulka riddada ee la baxay Jubbaland laga fara-maroojiyey gacan-ku-heynta magaalada Balad Xaawo, ayaa Ku-xigeenka Madaxa maamulkaasi, Maxamuud Sayid Aadan uu ku eedeeyey Kooxda Riddada ee Villa Somaliya in gobolka Gedo ay ka abuurayso colaad ay gadaal ka riixayaan dalalka Masar iyo Ereteriya.
Murtad Maxamuud Sayid Aadan ayaa sheegay in Xasan Gurguurte iyo Kooxdiisu ay wadaan qorshe ka dhan ah bulshada Soomaaliyeed, oo lagu doonayo ayuu yiri in colaadaha iyo khilaafaadka ka dhex jira dowladaha Geeska Afrika loosoo xawilo gudaha dalka Soomaaliya, gaar ahaan gobolka Gedo.
Dagaal maalmo ka hor kooxda Axmed-madoobe looga fara-maroojiyey magaalada Balad Xaawo ayuu M/weyne-ku-xigeenka Jubbaland ku micneeyey mid ay ka dambeeyaan dowladaha Masar iyo Ereteriya, isagoo wacad ku maray in marnaba aanay ka tanaasuli doonin gacan-ku-haynta magaalada, isla markaana ay ka hor-tagayaan awaamiirta khaldan ee kasoo baxaysa ayuu yiri kooxda Villa Somalia.
Hadalka murtadkan ayaa imanaya iyadoo maamulka kooxda riddada ugu magacaaban gobolka Gedo ay saacadihii lasoo dhaafay xaqiijiyeen in saraakiisha ciidamada Itoobiya ee ku sugan degmada Doolow ay muddo 3 cisho gudohood ah u qabteen in taliyaha sirdoonka ee kooxda Villa Somaliya ee gobolka Gedo Cabdirashiid Janan iyo maleeshiyaadkiisu ay kaga baxaan Magaalada Balad Xaawo.
Dhiillo colaadeed ayaa jirta, waxaana socda abaabul xooggan oo labada dhinac ah, iyadoo kumanaan ka tirsan maleeshiyaadka Jubbaland lagu soo warramayo in lasoo dhoobay deggaanno kaabiga ku hayo Balad Xaawo, halka kooxda Riddaduna ay gudaha magaalada ku daabulayso hub aad u fara badan.
About The Author
