Xildhibaannada Riddada ee ka tirsan isbahaysiga mucaaradka ayaa shaaciyay inay fashil kusoo idlaadeen shirar labadii bilood ee lasoo dhaafay dhexmaray siyaasiyiinta mucaaradka iyo madaxa kooxda Riddada Somalia.
War qoraal ay soo saareen ayay xildhibaanadan mucaaradka ah walaac kaga muujiyeen xaaladda hubanti la’aanta ah ee ay ku sugan tahay kooxda Ridada Soomaaliya, iyagoo caddeeyay in muddo laba bilood madaxa kooxda Riddada ay la galeen shirar aysan wax natiijo ah kasoo bixin.
Shirkii u dambeeyay ayay sheegeen in lagu kala dareeray iyadoo aysan jirin wax natiijo ah oo laga gaaray khilaafkii ka dhex-aloosnaa labada dhinac ee sababay inay mucaaradku samaystaan isbahaysi ay ku mideysan yihiin oo ka dhan ah madaxda Riddada.
Nuqul ka mid ah qoraalka xildhibaannada mucaaradka ayaa lagu yiri” Waxa kale oo xildhibaanadu ka welwel-sanyihiin in ayadoo umadda Soomaliyeed ka war-sugaysay mudo laba bilood ah, shirarkii u dhexeeyey Hassan Sheekh iyo Mucaaradka, naawilayeena in ay ka soo baxaan go’aano waxtar leh, ay nasiib daro tahay in shirkii u dambeeyey ee shalay 20/07/2025 uu kusoo dhamaaday, natiijo la’aan, iska dabo wareeg iyo rajo-beel”.
Waxay ugu dambeyn mucaaradku soo jeediyeen in laga hortago qorshaha uu wato Xassan Gurguurte, waxay xildhibaannada ugu baaqeen in ay qaadaan talaabo kasta oo lagaga hortegayo, laguna xakamaynayo waxay ugu yeereen damacyada guracacan ee xukuumadda Riddada ee talada u haysa ay ku talaabsanayso.
Kulamadan oo ahaa kuwa ay amreen gaalada caalamiga ah ayaa fashil kusoo dhamaaday, waxayna u muuqataa inay mucaaradku dib u billaabi doonaan qorshahooda mucaaradnimo ee ka dhanka ah Gurguurte iyo kooxdiisa.
About The Author
