Howlgalkii ugu horreeyay ee ka dhanka ah kooxaha ka ganacsada daroogada ayay Mujaahidiintu ka fuliyeen deegaan dhaca duleedka magaalada Muqdisho, kaas oo lagu beegsaday mid ka mid ah dadka ugu waawayn ee caasimadda soo geliya daraagiska.
Howlgalkan gaarka ah oo ka dhacay deegaanka Tabeellaha Shiikh Ibraahim ee dhaca duleedka magaalada Muqdisho waxay Mujaahidiintu ku khaarajiyeen Cabdiqaadir Carab oo ka mid ahaa dadka ugu waawayn ee caasimadda soo geliya Daraagiska. gaar ahaan xashiishka iyo calaqa.
Saraakiil ka tirsan Mujaahidiinta oo la hadlay idaacadda islaamiga ah ee Al-andalus ayaa xaqiijiyay in howlgalkan ay Mujaahidiintu ka dhex fuliyeen gudaha xarun uu ninkaasi ku lahaa deegaanka Tabeellaha Sheekh Ibraahim, halkaas oo ahayd halka uu ku kaydiyo daroogada, dadka ugu badan ee daroogada ka iibsada waxaa ka mid ahaa mooryaanta, ciyaal weerada iyo dadka loo yaqaan cabtooyda.
Howlgalkan gaarka ah ayaa noqonaya midkii ugu horeeyay ee ay Mujaahidiintu ku beegsadaan dadka daroogada soo geliya Xamar, howlgalkan ayaana imaanaya xili taliska ciidanka Mujaahidiinta uu dhowaan shaaciyay in uu billaaban doono howlgal ka dhan ah kooxo abaabulan oo dhibaato ba’an ku haya bulshada magaalada Muqdisho, oo ay ka mid yihiin, dadka daroogada soo geliya caasimadda, xarumaha faaxishada lagu sameeyo, ciyaal weerarada iyo tuugada hubeysan ee dadka ku dhacda caasimadda, Howgalladan billowday ayaa imaanaya kadib markii bulsahda Muqdisho ay usoo cawdeen Mujaahidiinta iyagoo ka cabanaya dhinaatooyinkaas foosha xun.
About The Author
