Ciidamada guutada madaafiicda Xarakada Mujaahidiinta Al-shabaab waxay saaka weerar culus oo madaafiic ah ku qaadeen xerada maleeshiyaadka murtadiinta ay ka degganyihiin deegaanka Buulogaduud ee hoostaga magaalada Kismaayo ee xarunta Jubbada hoose.
Saraakiil ka tirsan ciidamada mujaahidiinta ayaa xaqiijiyay in madaafiicdu ay gudaha u galeen saldhigga, kuwaas oo beegsanayay goobihii loogu talagalay, howlgalkan ayaana qayb ka ah howlgallada ciidamada mujaahidiinta ee lagu beegsanayo saliibiyiinta iyo dabadhilifyadooda murtadiinta ah.
Dhanka kale, ciidamada mujaahidiintu waxay weerar abaabulan ku mireen saldhigga maleeshiyaadka murtadiinta ay kaga suganyihiin halka loo yaqaan maaya fuulka ee magaalada Baydhaba, dhawaqa hubka noocyadiisa kala duwan ee la isku adeegsanayay dagaalkaas ayaana laga maqlayay xaafadaha magaaladaas.
Waxay sidoo kale ciidamada jabhadda mujaahidiintu weerar abaabulan oo culus ku qaadeen xerada maleeshiyaadka murtadiinta deegaanka Goof-gaduud Buurey ee duleedka magaalada Baydhaba, waxaana halkaasi ka dhacay dagaal culus oo in mudda ah socday.
About The Author
