Warar dheeraad ah ayaa kasoo baxaya qaraxyo khasaara dhaliyay oo saacadihii kasoo dhaafay ka dhacay deegaanno dhanka galbeed uga beegan magaalada caasimadda ah ee Muqdisho.
Jugta qax xooggan ayaa maanta duhurkii laga maqlay inta badan xaafadaha ay ka koobantahay degmada Afgooye ee gobolka Sh/hoose.
ilo wareedyo ayaa sheegaya in qaraxa lagu beegsaday goob uu ku sugnaa Xuseen Jibriil oo horay usoo noqday guddoomiyaha Afgooye balse hadda kamid ah saraakiisha sirdoonka DF-ka ee Nabad Sugidda loo yaqaan.
Wararka ayaa intaas ku daraya in dhowr qof ay ku dhinteen qaraxa balse uu dhaawac halis ah soo gaaray sarkaalka labeegsaday ee katirsan Sirdoonka NISA.
Dhinaca kale qarax miino ayaa galabta ciidamada shisheeyaha AMISOM lagula eegtay deegaanka Ceelasha Biyaha ee galbeedka Muqdisho, warar soo baxay waxay sheegayaan in 1 askari oo katirsan shisheeyaha ATMIS uu ku dhaawacmay qaraxa.
About The Author
